søndag 3. februar 2013

Søndag ettermiddag og tankar rundt det å blogge


 
Her kjem atter nokon bilete frå stova, tatt ein søndags ettermiddag. Greit med nokon augneblinksbilete og. Har hatt ei barnefri helg for fyrste gong på lenge, og det var godt å kunne sitte i sofaen og for eksempel lese eit blad. Når eg starta opp bloggen var eg usikker på korleis eg ville ha den og kor personleg eg vil vere. Skal eg for eksempel vise fram bilete av meg sjølv, bilete av sonen min?
Kor mykje skal eg fortelje frå mitt eige liv? Skal eg vere anonym eller stå fram med navnet mitt?
Desse tinga har eg ikkje heilt landa på enda. Det er fint å lese andre sine bloggar der folk er både personlege og viser bilete av seg sjølv og borna, samstundes er det noko spanande meg dei som er litt meir anonyme. Bakgrunnen for å starte denne bloggen var fyrst og fremst interessa for interiør, og då tenker eg at for å lage interessante innlegg og for å inspirere må eg ikkje nødvendig dele alt?
Men tida vil vise, dette er ting eg tenker på og vurderer. No er det også det visuelle som skal på plass, og det tek litt tid å sette seg inn i alt det tekniske rundt utforminga av bloggen. Foreløpig står det att ein god del, men ved hjelp av tida skal eg nok kome i mål med det og.

2 kommentarer:

  1. Slenger inn kommentar her også:-)
    Ikke lett å bestemme seg for sånt.
    Jeg og min mann var i reportasje i fevennen i går, der var det fullt navn og gateadresse, samt bilde av huset fra utsiden, så da forsvant all valg- frihet om å være anonym, hehe, men det var verdt det :-b

    SvarSlett
  2. All respekt til deg for at du ikkje er anonym, eg skal ikkje legge skjul på at det alltid er kjekt å sjå ansikt og kven som bur i eit hus også :-)

    SvarSlett