My home is my castle

Lenge sidan sist! Men eg er her enda. Vinterferien står for tur og vi har starta den med ei rolig helg i heimen. Kjenner det gjer godt! Og kjenner virkelig eg trivs i heimen min, eg får energi av å vere her. Elskar fargane eg omgir meg med og er veldig glad for å ha ein heim eg kosar meg i. Korleis har du det i din heim? Det viktigaste er at DU trivs akkurat slik du har det! Ha ein fin søndag og ein fin vinterferie, enten du er heime eller på ski.

God helg

Vil med desse bilda ønske alle ei god helg! Blomstrane er 14 dagar gamle, har hatt dei heilt sidan eg var bursdag, heilt utrulig! Sjølv fekk eg ei god nyheit denne veka, fekk tilbud om ein jobb eg hadde veldig lyst på, gler meg til å starte opp i midten av mars. Så går nye og spennende tider i møte!

Stua + grøne planter

Eg har alltid likt planter. No er det visst "in" med grøne planter, særlig store planter. Eg har nylig anskaffa meg ei planta som heiter "Monastera". Den kan bli ganske stor. Syns den er veldig flott, med sine særegne blad. Håper den vil trivs med meg slik eg kan ha den lenge. Eg får på ein måte eit forhold til plantene mine, dei får no stell og omsorg og eg har dei fleste i årevis. Det skal mykje til før eg kvittar meg med ei. Likar du planter?

Back in business

 

 

 

 

 

Endelig eit livstegn herfrå! Har rett og slett vore kjempelei blogging i ei stund, både av  min egen og av andre sine. Men med lyset som har komt dei siste dagane fekk eg lyst å ta bilder igjen. Så gjenstår det å sjå kva det vert tid til framover. Ny jobb og pendling gjer at tida til fritidssyslar er mindre. Men  kjem nok til å bidra med litt bilder av og til. Ønsker alle lesarar ein fin vår!

 

 

Gyldne tonar

 

 

 

 

 

Har vore litt lei blogging i det siste, har ikkje hatt lyst å lese andre sine bloggar eller å ta bilder sjølv. Korleis har du det, om du har din egen blogg kjenner du at det kan vere krevande å skulle lage innlegg? I dag etter eg hadde vaska hus kjente eg at det var kjekt å ta nokon foto i stua, når sollyset flaumer inn vert bileta også betre. Og ein fin tulipanbukett som eg fekk i gåve i helga inspirerte meg ekstra. Eg er veldig glad i oransje og varme fargar, derav tittelen på innlegget. Ha ei god veke vidare alle som er innom!

 

 

Let meg friste!

Eg som hevda marmor ikkje var noko for meg.. Pipa har fått ein annan lyd! Etter eit besøk på gjenbruksbutikken  kunne eg ikkje la desse 3 "skjønnheitene" gå frå meg. Må nok innrømme at eg er litt typen som ofte kjem etter på trendar, treng litt tid på å venne meg til å like ting. Korleis er du, "avantgarde" eller etternølar som meg?

Rosa + oransje

 

 

Eg syns rosa og oransje er ein fin kombinasjon! Veldig friskt. I anledning bursdagen min nylig fekk eg nokon nydelige rosa roser frå mor mi, dei passar perfekt inn i interiøret mitt. Om du som besøker bloggen min likar den legg deg gjerne til som følgar, da blir eg glad! God søndagkveld!

Litt meir oransje

 

 

 

 

Eg er som sagt glad i oransje. At det no er ein farge som er på mote er difor eit pluss. Når eg kjøper roser syns eg det er fint å dele opp buketten og sette eit par i ein mindre vase også. Desse ferskenfarga rosene er kjøpt på Coop og er veldig haldbare, i tillegg er dei fairtrade-produkt. Ha ein god måndag og ei god veke vidare kjære lesarar!

Turkis + oransje

 

 

 

 

 

 

 

 

 

Etter ei stund med pastellar i stua har eg gått tilbake til dei litt meir sterke fargane. Turkis og oransje er to fargar eg alltid har brukt i interiøret og som eg aldri vert lei. Det er veldig fint å bruke dei i lag også. Desse to fargane står overfor kvarandre i fargesirkelen slik dei dannar det som heiter komplementærfargar. Det er fargar som framhevar kvarandre eksta godt når dei står i lag. Andre eksempel på komplementærfargar er grønt og raudt, og lilla og gult. Eg har og lært at oransje er den varmaste av dei varme fargane, medan turkis er den kaldaste av dei kalde. Dette var dagens leksjon i fargelære.

 

Elles har eg fått to ting i julegåve som eg set ekstra pris på og som begge er avbilda på fotografia. Det lyse pelspleddet er heilt herlig å slenge rundt seg på ein kald vinterkveld. Og den terracottafarga kula som ligg på lysfatet er ei duftkule som er laga i Frankrike. Den er fylt med økologisk parfymeolje laga i Grasse i Frankrike og gir ei nydelig duft i heimen. Eg kosar meg i alle fall veldig i stua mi, her er det godt å vere både med fargar, dufter og ulike tekstilar.

Gyldne tonar

 

 

 

 

 

 

Gylne tonar mot blått er ei vakker kontrast. Eg er så glad i flasker i ulike fargar og størrelsar, spesielt fine er dei når sollyset får skine på dei. Det persiske teppet under bordet har eg fått i gåve med foreldra mine for mange år sidan. Hadde det under spisebordet, men syns det kom meir til sin rett og får vise betre under stuebordet. Takk for titten og velkomen igjen!

Innredningstips

 

 

 

I eit blad eg las nylig fekk eg eit godt innredningstips som eg vil dele med dokke. Kanskje som ein  liten fortsettelse på mitt forrige innlegg? Ønsker du forandring utan å gå og kjøpe noko nytt eller male møblar og ting og tang i nye fargar? Av og til er det også greitt, men tipset eg no skal dele er heilt gratis, og eg har nettopp prøvd det sjølv, litt tid må du derimot ha til rådigheit. Neste gang du skal tørke støv tar du alt du har av pynteting og gjenstandar ned frå bord, kommodar og skap og sett det på golvet eller ut på ein veranda om veret er fint. Etterpå set du alt på plass igjen og prøver å tenke nytt,  kanskje du kan snu heilt om på ting du har hatt ein fast plass. No tenker du kanskje at dette har du allereie gjort mange ganger, så noko "hokus pokus" er det ikkje, men for min del vart det nokon små forandringar som eg syns gjorde det trivelegare heime hos meg. Har du ekstra god tid kan du endatil flytte ut møblar og plassere dei på nytt. Heime med meg heldt det å flytte om på litt planter, dukar, småbord og lyslykter. Ikkje alt alt vart flytta på heller, enkelte ting måtte tilbake til sin faste plass, men det gav ein  god følelse av litt forandring når det var gjort. God helg til deg!